Самсунг электроникс харилцаа холбооны дэвшилтэт 5G технологийг үйл ажиллагаандаа нэвтрүүлж байгаатай холбоотойгоор IoT, VvX, ML чиглэлийн судалгаан дээр ажиллуулах мэргэжилтэн хайж байгаа юм байна. Сонирхож байвал ажилд урьж байна гэнэ шүү.
Нээрээ 5G-ийн талаар өөрийн уншсан сонссон үзсэн харсанаа сонирхуулъя байз.
2015-нд Mobile World Congress чуулганаар 5G сүлжээг хэрэглэж эхлэх хугацаа 2020 оноос наашгүй гэж байсан. Тэгвэл Самсунг өнгөрсөн өвлийн олимпоор л 5G portfolio-аа үзүүлж АНУ-гийн Federal Communications Commission (FCC)-ээр зөвшөөрүүлсэн дараагаар 2018/5/1нд 5G home router-ээ танилцуулсан бол мөд Samsung Galaxy S10 анхны 5G дэмжигч утас болгон хэрэглээнд нэвтрүүлэхээр төлөвлөж байгаа юм байна. Хятадын Хуавэй компани мөн 5G-ийн анхдагч байхын тулд нэлээн хүчтэй өрсөлдөж байгаа гэнэ шүү.
5G сүлжээ нь IoT буюу бүх л төхөөрөмж, эд зүйлсийг сүлжээнд холбогддог болох эриний гол дэд бүтэц бөгөөд мэдрэгчээр тоноглоогдсон гэр ахуйн цахилгаан хэрэгсэл, хяналтын системүүд, эрүүл мэндийн хяналт, хаалганы цоож, автомашин, биендээ, хувцсандаа зүүдэг төхөөрөмжүүд гээд Big Data үйлдвэрлэгч бичил системүүдийг өндөр хурдтай сүлжээний тусламжтайгаар удирдана гэж хэлж болно. Сонирхуулахад 5G нь 4G-гээс 66 дахин хурдан мөн ямар ч цагийн алдагдал, зөрүүгүйгээр бүгдийг хянах удирдах боломжтой гэнэ шүү.
World IT Show-г сарын өмнө (2018/5/22-26) Ministry of Science and ICT-гээс Сөүл, Coex-д зохион байгуулсан ба уг үзэсгэлэнд Самсунг 5G-бүтээлүүдээ дэлгэн үзүүлсэн байсан.
Дашрамд дурьдахад, манай судалгааны лаборатор сүүлийн жилүүдэд тогтмол энэ үзэсгэлэнд бүтээлээрээ оролцож байгаа. Үнэхээр сонирхолтой өгөөжтэй шинэ технологийг үзсэн харсан гайхсан, сайхан санаануудыг олсон үйл ажиллагаа болдог шүү. Солонгосчууд үнэхээр энэ эрин зуунд техник технологи өнгийг тодорхойлж тэрийгээ ч их бага, хөгшин залуугаа сонирхож, ашиглаж хэрэглэдэг нь үзэсгэлэнгийн visitors-уудын байр байдлаас харагддаг, гайхмаар.
Comments
Post a Comment