Эдгээр өдрүүдэд ЭШ-ний нэг өгүүлэлд шүүмж бичих шаардлагатай болсон тул шүүмж бичихдээ анхаарах зүйлсээ уншиж сэргээлээ. Тэгээд орчуулаад, ойлгомжтойгоор өөрийн бодлоор бичээд үлдээчихвэл дараа надад бас өрөөл бусдад хэрэгтэй юм болов уу гээд блогтой орууллаа. Судлаач хүн туршлагажиж, бага ч гэсэн амжилтанд хүрч, тухайн салбартаа танигдаж эхлэснийг илтгэх нэг зүйл бол судалгааны өгүүлэлд шүүмж бичүүлэх хүсэлт хүлээн авах явдал юм. Энэ нь чухал ур чадвар шаардах төдийгүй эрдэмтдийн хүрээнд үзүүлж буй онцгой үйлчилгээ юм. Өгүүлэлийн шүүмж бичих урилгад зөвшөөрөх эсэхээ хэрхэн шийдэх вэ, юу юу анхаарвал зохих бэ? Миний хувьд дараах 4н гол фактор буюу хүчин зүйлийг харгалзан үздэг. 1. Надад энэхүү өгүүлэлийг үнэлж дүгнэх хангалттай мэдлэг байгаа билүү(area of expertise) 2. Судалгааны сэдэв нь өөрт чинь сонирхолтой эсэх (educate yourself) 3. Элдэв ашиг сонирхолын зөрчил байгаа эсэх(conflict of interest) 4. Хангалттай цаг байна уу? (time is ...)